*Lavurar cun models en meds d’instrucziun

Ins parta dal fatg ch’ils meds d’instrucziun giogan ina rolla decisiva en la definiziun da l’object d’emprender, il rom (da scola). Els servan dentant er a concepir e diriger didacticamain l’instrucziun e porschan a las persunas d’instrucziun ed a las persunas ch’emprendan en il cas ideal ina basa effizienta d’instruir e d’emprender. Lur realisaziun è guidada da supposiziuns (funcziunalas) resp. concepziunali-saziuns da meds d’instrucziun efficazis che vegnan savens simplifitgads, structurads e visualisads sco models didactics (dal rom). En connex cun la nova seria da meds d’instrucziun rumantschs Mediomatix, èn vegnids sviluppads (vinavant) e duvrads ils onns 2016 fin 2024 ils «quadrants da qualitad» ed il «curtin da lingua» sco models didactics dal rom. L’artitgel preschenta ils models e documentescha da maniera prototipica l’implementaziun da «la planta da las spezias da pleds» sco model parzial dal curtin da lingua. Il curtin da lingua e la planta da las spezias da pleds vegnan a la fin discutads a moda critica or da la pers-pectiva da la scienza spezialisada ed evaluads en vista a lur niz per la didactica dal rom era per autras linguas.